上一页

ⓘ 產業 - 產業, 電子遊戲產業, 第三產業, 石油產業, 第四產業, 第二產業 ..




                                               

產業

產業 (Industry)係指經濟之下,有關生產同服務嘅行動,造出人生活所需。生產通常係有形嘅,出來係貨品,例如養鷄、造車咁。而服務就係無形,例如整理消息,運送貨品咁。經濟上通常按造出嘅嘢,同產業分類,分成四級。一般而言,產業可以分做三個類別,分別係第一產業、第二產業同第三產業。

                                               

電子遊戲產業

電子遊戲產業 ( video game industry )係指靠製作同賣電子遊戲賺錢嘅行業。

                                               

第三產業

第三產業 ( tertiary production )包含各種嘅服務業,負責向消費者或者生產商提供服務,而佢哋嘅生產過程往往會或多或少噉使用第一產業同第二產業嘅產品,例如係一間餐廳利用由第一產業嚟嘅嘢(食材)同由第二產業嚟嘅嘢(各種餐具同埋枱櫈)嚟向消費者提供服務。

                                               

石油產業

石油產業 ,又叫 石油工業 ,係種產業,主要涉及開採石油,再經過提煉加工去生產各種化工產品。

                                               

第四產業

第四產業 (英文: Quaternary sector of the economy ),一般認為係指以提供智能化服務、技術研究為特徵嘅產業領域,對本身冇明顯利潤但係可以提升其他產業利潤嘅公共產業,亦即係通常講嘅創新產業,曾經一直計做第三產業,具體包括自動化、醫療相關研發、高新科學器材嘅技術同埋教育事業投資、通訊信息產業、政府部門等等。另外,提供呢種服務嘅人通常唔使直接同客戶接觸。第四產業亦係對「克拉克大分類法」(第一產業:農業、第二產業:工業、第三產業:除咗第一、二產業之外嘅其他產業)嘅延伸。

                                               

第二產業

第二產業 ( secondary production )係生產過程一部份。第二產業包含建造業同各種工業,負責由原材料嗰度製作一啲消費者直接用得嘅產品,好似係用採礦業嚟嘅金屬生產各種機械以至用由捕魚業嚟嘅海產生產各種可以擺喺超市賣嘅海鮮罐頭呀噉。