上一页

ⓘ 印刷 - 印刷, 雕版印刷, 出血, 印刷, 柯式印刷, 理想印刷, CMYK色彩模式 ..




                                               

印刷

印刷 係指將圖像或文字原稿迅速大量複製嘅一種技術。通常係用印刷機將油墨印響紙張上,佢係出版嘅基本組成部分。印刷機係能夠響承印物上印刷嘅機械。喺中國,印刷術被稱為中國古代四大發明之一,佢嘅出現對文化知識嘅傳播起咗重要作用。 今日嘅書通常採用膠印嘅技術來印刷,有時亦採用凸版印刷(主要用嚟印報紙或目錄冊,但比較少有)。

                                               

雕版印刷

雕版印刷 ( woodblock printing )係古代一種印刷技術,喺唐朝嗰陣經已盛行。做法係雕好一塊塊有文字喺上面嘅木板,工作人員跟住就可以喺塊板嘅刻痕加墨水,再一嘢用塊版將啲字印上去一個表面嗰度。

                                               

出血 (印刷)

出血 (粵拼: ceot 1 hyut 3 )係印刷業嘅專用名詞,亦係印刷前嘅排版行業之一。佢嘅原理係保證冇邊距設計,喺裁切嘅誤差情況下,冇白邊出嘅印刷。

                                               

柯式印刷

柯式印刷 ( Offset Printing )係種印刷技術,先將油墨印上橡皮,再將橡皮印上印刷品度。呢種印法會印得比較清楚,亦可印落紙之外嘅其他印刷材料。

                                               

理想印刷

理想印刷 (Risograph,簡稱Riso)係一種孔版印刷工藝。呢個技術係由日本公司Riso開發嘅,日文係「理想」嘅意思,理想印刷個名即由此而來。 1986年,日本RISO Kagaku Corporation公司將第一部理想印刷機推出市場。嗰陣時,理想印刷主要喺學校同政府部門用,滿足到佢哋廉價快速複制嘅需求。慢慢噉,喺專營出版商、設計師、藝術家同埋插畫家之間,佢越來越發展成為最受歡迎嘅印刷工藝。理想印刷嘅特點係唔使加熱、化工製品就可以將色料帶到紙面上。除咗環保,平價嘅耗材成本亦係佢嘅優勢。 要傳送數據,可以用電腦發送分色處理後嘅灰度PDF文件畀理想印刷機,或者通過機器內置嘅掃描元件讀取圖文。印刷機會用激光爲每一種顏色分別打出一張模板紙 ...

                                               

CMYK色彩模式

CMYK色彩模式 ,又嗌 印刷四分色模式 或 印刷色彩模式 ,簡稱 CMYK ,係彩色印刷時成日用到嘅色彩模式。佢主要靠反光嘅色彩模式映射到紙入面,通過唔同比例嘅黃、紫、青、黑嘅四種色變化同相加而得出好多隻色嘅印刷。佢係家陣印刷行用得最多嘅顏色系統之一。佢嘅縮寫出自青( C yan)、紫( M agenta)、黃( Y ellow)嘅頭拉丁字同埋黑(Blac k )嘅尾拉丁字。 家下喺街邊賣啲打印機、印刷機、彩色複印機,大多數都用咗CMYK色彩模式標準。