上一页

ⓘ 啲 ( di 1 ) ,意思係「一點」或「一些」,方言詞,流行於粵語、客家話。例如「快啲」、「少啲」、「呢啲」。 香港人不時借用英文近音字母「D」(英音diː)代替,例如將 ..




                                               

創新

創新 ( innovation )係指創造一啲有用嘅新諗頭,並且用呢個諗頭造出一啲成品或者做事方法。

                                               

廣義化

廣義化 ( generalization )係指「攞多個唔同個案,搵出呢柞個案嘅共通點,用呢啲共通點形成一個概念」嘅過程。例:狼、烏鴉、蛇、青蛙同埋鯊魚(一柞個案)都有「有脊椎」等嘅特徵(共通點),呢啲共通點結合埋,就成為「脊椎動物」呢個概念。同廣義化相對嘅係狹義化(specialization)。

                                               

超自然

超自然 ( supernatural / paranormal )現象指一啲已知宇宙當中嘅法則解釋唔到嘅事物,例如係鬼魂、喪屍同吸血鬼等等。

                                               

記憶術

記憶術 ( mnemonic )係指一啲幫手改善記憶嘅技巧。

                                               

記憶改善

記憶改善 ( memory improvement )係指用某啲方法改善記憶力。

                                               

回收

回收 可以係: 產品回收,指生產商收番有問題嘅產品。 廢物回收,指收集用過啲產品,清潔、處理過之後再賣畀人。

                                               

耳珠

耳珠 係耳下面一忽肉。有啲人粒耳珠完全黐埋塊面度,有啲人就唔會,完全係由遺傳基因決定。耳珠亦畀人用嚟穿耳環。

                                               

鐵磁性

鐵磁性 ( ferromagnetism )係指某啲物料(例如係鐵)變成永久磁石或者受磁石吸引嘅機制。

                                               

道德兩難

道德兩難 (英文: moral dilemma ),又或者叫 倫理兩難 ( ethical dilemma ),係指倫理學同道德心理學等領域上成日討論嘅一啲情境,涉及一個人要做一啲決策,但無論佢揀邊一個都好,都會犯某啲道德上嘅規範。 舉個簡單例子說明,想像以下噉嘅情況:主角見到有架火車喺度全速衝緊向 5 個人嗰度,會撞死佢哋;不過,主角有能力令架火車轉去第條路軌嗰度,噉做會救到嗰 5 個人,但喺另外一條路軌上面又咁啱得咁橋有個人喺度,所以火車轉向嘅話,嗰個人會俾火車撞死;因為時間限制等嘅原因,主角淨係得兩個選擇- 睇住嗰 5 個人死(犯咗「要幫助有需要嘅人」呢條道德規範),或者 郁手令架火車轉向(犯咗「唔好做啲會傷害其他人嘅行動」呢條 ...

                                     

ⓘ 啲

啲 ( di 1 ) ,意思係「一點」或「一些」,方言詞,流行於粵語、客家話。例如「快啲」、「少啲」、「呢啲」。

香港人不時借用英文近音字母「D」(英音/diː/)代替,例如將「快啲」寫成「快D」。原因有幾多,有啲人認為「啲」係有音無字,而且因為香港俾英國統治過,居民嘅第一外語多數係英文,又習慣中英夾雜寫文,亦比較少人學過點寫粵語字,甚至貪方便,所以就借用「D」。

「啲」有時重可以讀作「 dit 1 」。

                                     

1. 本字為「之」?

有人認為,古無舌上音,之嘅古音係「啲」,如同天竺唔讀天竺而讀天篤。

                                     

2. 「啲」係錯字?

另外有啲廣州人認爲「啲」係香港人自創嘅新字,認爲係錯字,正字或本字係「尐」,呢個講法係唔正確,首先「啲」早於明末清初已經出現,而且「啲」嘅讀音係 di 1 ,但「尐」嘅讀音係 zit 3 ,尐嘅反切係「子列切」,反切上字取聲母(子-> zi-> z),下字取韻母(列-> lit-> it),切出嚟嘅音就係zit,讀音都唔啱,所以無可能係本字或正字。而且意思唔係相同,例如「多啲」(多一點),如果寫成「多尐」就會變成(多少),意思已經唔同咗。