上一页

ⓘ 苗族 (粵拼: miu 4 zuk 6 ;越南文: 貓 người Mèo ;泰文: แม้ว ม้ง ; Maew Mong ;英文又叫 Hmong ;中國標準羅馬字: Miao ,字母代碼: MH ,數字代碼: 06 )係 ..




                                               

苗族
                                     

ⓘ 苗族

苗族 (粵拼: miu 4 zuk 6 ;越南文: 貓 người Mèo ;泰文: แม้ว / ม้ง ; Maew / Mong ;英文又叫 Hmong ;中國標準羅馬字: Miao ,字母代碼: MH ,數字代碼: 06 )係一個源自中國嘅跨國民族,主要聚居響中國華南同埋東南亞。中國有8.945.538苗族人(2000年人口普查),佔總人口嘅0.72%,係中國第五大民族。響越南,苗族叫做「Hmông」,有人口787.604人,排第八。

                                     

1. 分佈

苗族由中國散出來,如今大約有八成嘅苗族人響中國,集中響西南同埋中南省份;東南亞嗰邊,苗族有唔少人響越南、泰國、老撾、緬甸呢啲國家。1975年老撾人民民主共和國成立後,嗰處幾萬個苗族人變咗做難民,當中有一部分移咗民去美國同法國。

住響唔同地方嘅苗族人,有唔同嘅自稱,包括:「牡」、「蒙」、「毛」、「果雄」、「帶叟」。地方唔同,服飾都有唔同,會用服飾名稱加個「苗」字來稱呼,好似:「長裙苗」、「短裙苗」、「長角苗」、「紅苗」、「黑苗」、「白苗」、「青苗」、「花苗」、「小花苗」。苗族人多數信萬物有靈嘅原始宗教。

                                     

1.1. 分佈 東南亞

響越南同老撾,苗族人係原居民族。

響泰國北部,亦都有苗族人聚居。根據2004年做嘅人口統計,當地苗族人口大約有12萬人,係嗰處第二大民族。佢哋大概響18至19世紀嗰陣時,由中國西南地區移居過去泰北地區。緬甸撣邦亦有苗族原居民。

                                     

1.2. 分佈 美國

美國嘅苗族人,主要響加州、明尼蘇達州、威斯康星州,總共大概有17萬人。

                                     

2. 名嘅爭拗

  • 響國外,幾乎所有苗族都講川黔滇方言川黔滇次方言第一土語,所以海外人士多認為Hmong係嗰班講唔同語言嘅苗族人嘅共同自稱。而所謂嘅「唔同語言」,響中國都當做係第一土語嘅次土語(例如:Hmong Daw次土語、Hmong Njua次土語),但係ISO就當做兩種「語言」來看待。
  • 響國內,湘西嘅苗族自稱做「Xongb」(果雄)、黔東嘅苗族自稱做「Hmub」(牡)、雲南嘅叫做 Hmaob (毛)……。除此之外,其他地方嘅苗人都自稱做「Hmong」(蒙)。
                                     

3. 語言

苗族人嘅語言,統稱做 苗語 ,屬於苗瑤語族嘅苗語支。苗語曾經有過文字,但係就失傳咗。家陣中國嘅苗族用緊嗰套文字,係中國語言單位響1956年10月為中國嘅三大苗語方言釐定嘅拼音文字,用26個基本拉丁字母來標聲母、韻母同埋聲調。各地嘅苗語各有不同,情形都幾複雜下。簡單來講,受漢文化影響越大嘅地區,語言就越趨簡化,用嘅漢字詞亦越多。

                                     

4. 知名人物

  • 王志明(1907年-1973年12月29號)
  • 阿幼朵 (1980年4月29號-) 當代歌唱家,中國國家一級演員
  • 王宝(Vang Pao,1931年-) 著名老撾苗族將軍
  • 宋祖英(1966年8月13號-) 當代歌唱家
  • 東丹甘 苗族蘆笙演奏家,作曲家
  • 宋布蘭(布蘭達宋,Brenda Song,1988年-) 美國著名演員
  • 沈從文(1902年12月28號-1988年5月10號) 著名作家 中國鄉土文學之父 佢嗰句「照我思索 能理解我 照我思索 可認識人」刻咗響湘西古城鳳凰東郊聽濤山上做墓志銘
                                     

5. 出面網頁

  • 文山苗族網
  • 三苗網
  • 中國苗族網(貴州省苗學會)
  • 苗族網(貴州省苗學會)
  • 中央研究院數位典藏資源網:村寨網‧中國西南少數民族
  • 苗族在綫