上一页

ⓘ 漢族 (粵拼: hon 3 zuk 6 ,又有諸如 漢人 hon 3 jan 4 、 唐人 tong 4 jan 4 、 華人族 waa 4 jan 4 zuk 6 等稱呼;中國標準羅馬字: Han ,字母代碼: HA ,數字代碼: ..




漢族
                                     

ⓘ 漢族

漢族 (粵拼: hon 3 zuk 6 ,又有諸如 漢人 hon 3 jan 4 、 唐人 tong 4 jan 4 、 華人/族 waa 4 jan 4 /zuk 6 等稱呼;中國標準羅馬字: Han ,字母代碼: HA ,數字代碼: 01 )係中國主體民族,乃至係大中華地區嘅代表民族。其文化喺中國以至東亞影響深遠。漢族佔咗中華人民共和國(91.6%)、中華民國(98%)人口嘅大部份,此外喺星加坡(74.2%)、聖誕島(70%)佔好大比重,同時喺東南亞、北美等世界各地都有分佈。目前漢族人口大概係14億左右,佔全世界人口20%左右,係世界上人口最多嘅族群。雖然係中國嘅主體民族,不過元、清兩代,漢族喺中國係畀異族統治嘅。

喺中華人民共和國嘅官方定義度,漢族同另外55個少數民族組成咗中華民族。漢族分佈好廣、民族好大,地跨中國南北,大到南北中國嘅漢族喺遺傳上係唔同嘅,噉係因爲喺歷史上一直有「漢化」現象,結果有好多外族就噉樣同化成漢族,所以南北漢人嘅相貌差異會幾明顯,同時漢族又分成好多個民系(亞民族)。

就因爲漢族嘅形成離唔開咁長歷史落來嘅漢化,所以關於漢族係幾時形成就有得詏,有啲會從文明傳承睇,認爲起碼秦漢時就形成,之後並透過漢化不斷吸納異族而膨脹,甚至可以追溯到先秦上古;亦有學家從現代漢文化嘅成型睇,認爲漢族係明清之際先形成,最起碼係作爲現代民族嘅漢族,因爲吸納異族時、異族文化亦變動咗原先嘅漢文化。而「漢」作爲民族名喺20世紀之前係唔多用嘅,經歷咗民族主義、共產主義等等思潮,先至推廣開、重成爲官方名。而早出埠、避過咗呢啲思潮嘅老趟唐人,反而係自稱爲「唐」。而喺之前,用得更多嘅係「華夏」,同時喺唔同嘅歷史當中嘅唔同地方,對「漢人」、「華夏」嘅定義都有差異。