上一页

ⓘ 劉輝峰 (Huifeng Haha” Liu),中國在澳商人,喺2020年被揭發所領導嘅組織收受中國駐墨爾本總領事館嘅資金,畀澳洲安全情報局評估為對澳洲國家安全構成風險,而受到澳洲媒 ..




                                     

ⓘ 劉輝峰

劉輝峰 (Huifeng" Haha” Liu),中國在澳商人,喺2020年被揭發所領導嘅組織收受中國駐墨爾本總領事館嘅資金,畀澳洲安全情報局評估為對澳洲國家安全構成風險,而受到澳洲媒體關注。

                                     

1. 早年生涯

劉輝峰曾經係中國人民解放軍嘅一員,2014年開始喺澳洲居住。2016年,佢喺澳洲有份成立一個名為澳洲緊急互援協會(Australian Emergency Assistance Association Incorporated)嘅華人組織,仲擔任埋主席。

根據佢自己喺中國內地網站西瓜視頻嘅自我介紹入面,佢仲係澳洲製造直通車國際集團嘅董事長。

                                     

2. 參與澳洲政治

佢亦係澳洲自由黨嘅捐助者,另外亦同聯邦自由黨議員廖嬋娥仲有助理財長蘇卡(Michael Sukkar)建立咗聯繫,廖嬋娥亦曾經公開推廣澳洲緊急互援協會。佢亦曾經以澳洲緊急互援協會嘅名義,關注中國在澳留學生精神健康,虛擬綁架等其他方面嘅問題。

                                     

3. 組織內部糾紛,被揭發涉及中國政府滲透

佢同澳洲自由黨多個主要成員嘅互動,令佢喺2016年已經引起澳洲安全情報局嘅注意。

喺2020年9月,移民部長拒絕咗佢嘅重大投資者永居簽證申請後,但係法庭就准許對佢嘅驅逐出境令暫緩執行。

喺2020年11月,澳洲緊急互援協會爆發內部糾紛,常務副會長亢震指控劉輝峰喺管理協會期間,違反協會法定章程、唔公開賬目、唔經選舉私自連任4年、用不實信息同形像對外宣傳、同埋商務上股東合作嘅糾紛等,當中亦提及到佢申請移民未獲得批准,之後劉輝峰亦都有發表聲明反駁。

去到2021年1月,澳洲嘅傳媒報導,澳洲緊急互援協會被揭發同中國駐墨爾本總領館達成協議,收取嘅總領館資金,從而同總領館分享唔同嘅資料。針對劉輝峰嘅執法行動,除咗澳洲安全情報局之外,仲有聯邦警察嘅參與。

事件引起澳洲政界譁然,前新州廉政公署律師維遜(Geoffrey Watson SC)直指,首相莫理遜應該清除自由黨內嘅外國滲透,炒咗廖嬋娥,又話滲透已經達到部長級。斯威本科技大學中國專家 John Fitzgerald 就話,大使館雖然有責任保護中國公民,但佢哋無責任,亦唔可以干擾澳洲華人嘅社區事務。