上一页

ⓘ 粵字 (粵拼: jyut 6 zi 6 ),即係 粵語字 ,又叫做廣東字(粵拼: gwong 2 dung 1 zi 6 )或香港字(粵拼: hoeng 1 gong 2 zi 6 ),係一種由漢字演變出嚟嘅字,專用嚟 ..




                                               

                                     

ⓘ 粵字

粵字 (粵拼: jyut 6 zi 6 ),即係 粵語字 ,又叫做廣東字(粵拼: gwong 2 dung 1 zi 6 )或香港字(粵拼: hoeng 1 gong 2 zi 6 ),係一種由漢字演變出嚟嘅字,專用嚟寫粵語入面一啲傳統漢字冇(或者係本來有但失傳咗)嘅字,例如「啲」、「喺」、「乜」、「嘢」、「佢」、「邨」、「攰」、「嘅」、「咋」、「哋」等等。佢哋喺用粵語溝通嘅地區畀人廣泛噉用,例如香港同澳門。

                                     

1.1. 種類 造字

根據粵語詞嘅發音同埋意思,遵守六書造出嚟。例如:粵語表示『升降機』嘅詞音 lip 1 ,係音譯自英文「 lift 」。為咗寫出呢個音,就用形聲法造字,用「車」字做部首,加個「立」字創造出個「 」字,意思係上下直立行嘅車。又好似「冇」呢個字,係將「有」字嘅兩畫搣走,去表示有嘅相反。

                                     

1.2. 種類 古字

又叫「本字」,係古漢字,喺而家書面語已經少用或者唔用。例如:表示「疲倦」嘅「攰」字。

                                     

1.3. 種類 古義演變

如聽日嘅「聽」,「聽」原意係用耳仔去感受聲音,但亦有「聽候」「聽差」等等人嘅意思,化為等緊「我聽你」、「佢聽車來」、「聽死」。聽日即「聽一日」。

喺某啲方言裏便仲有「聽由」嘅意思,好似「聽佢食頭先」,即係「由佢食先」咁意思。依個「隨佢」,亦出自古意,如同「聽任」、「聽其自然」個聽。

                                     

1.4. 種類 借音字

借用喺粵語入面同音嘅漢字嚟寫某個發音。借用嘅字增加咗一個同原意唔同嘅解釋。例如:「響」,借音之後增加咗「在、喺」噉樣一個表示處所嘅解釋。

                                     

2. 香港增補字

粵字喺最初漢字電腦化嘅時候,冇加入編碼裏面。響 1999 年 9 月香港特別行政區政府將 4702 個香港通用嘅漢字造成香港增補字符集。Unicode 出 3.1 版嘅時候(2001年5月1號),香港增補字符集亦加埋入去。

                                     

3. 參考

  • Unicode Standard Annex #27 Unicode 3.1*
  • 數碼21:資訊科技基礎建設:甚麼是香港增補字符集
  • 原理介紹 - Unicode補完計画
  • 粵字,信報,作者:陳雲,2008年7月17號
                                     

4. 睇埋

  • Wikipedia:粵語本字
  • 字喃
  • 新法蘭西粵語拼音方案
  • 粵語諺文
  • 粵文拉丁化
  • 粵語注音符號
  • 粵切字