上一页

ⓘ 猶太人 (粵拼: jau 4 taai 3 jan 4 ;希伯來文: יהודים ‎,拉丁轉寫、 ISO 259-3 :Yehudim,音標: ;拉丁挪話: Djudios ;依地文: ייד ‎,拉丁轉寫:Yidn),又叫 ..




猶太人
                                     

ⓘ 猶太人

猶太人 (粵拼: jau 4 taai 3 jan 4 ;希伯來文: יהודים ‎,拉丁轉寫、 ISO 259-3 :Yehudim,音標: ;拉丁挪話: Djudios ;依地文: ייד ‎,拉丁轉寫:Yidn),又叫 猶太民族 ( jau 4 taai 3 man 4 zuk 6 ),係起源自西亞迦南(古代近東)嘅宗教民族,呢個民族有兩層定義:宗敎層面係指信猶太教嘅人,血緣層面指古希伯來人(古以色列人)嘅後裔。呢兩層定義缺一不可,既要有噉嘅血統,同時亦要信教,先可以稱之爲猶太人。據猶太律法規定,之爲猶太人,佢嘅阿媽要係猶太人(血統層面),同時佢亦要信猶太教、兼且要經過正統儀式入教(宗敎層面)。

                                     

1. 歐洲史

由外族角度,分別猶太人種族原則有兩方面。19世紀中期以前,歐洲國家定義猶太人着眼於宗敎;而近代,話會以血統同DNA方面講 。

                                     

1.1. 歐洲史 猶太主義

猶太人嘅民族文化同佢嘅宗敎信仰有密切關係,佢各種族裔、民族特性都同猶太人嘅宗教有關,因此猶太教係凝聚猶太人嘅核心。猶太教唔多歡迎外族入教,入教嘅限制比較多,不過亦有少數外人入教而成爲猶太人。雖然猶太教係猶太人嘅傳統信仰,但佢哋實際上嘅宗教實踐好多樣,從有人嚴格遵守,到有人完全唔實行。

                                     

1.2. 歐洲史 流浪者

猶太人流散以後,喺世界各地形成共同體,成爲有固有宗教同歷史嘅少數派族裔。不過,佢無法分類爲總體共有歷史文化嘅一個民族。從語言方面睇,佢既有人講依地文,亦有人講拉丁挪文。雖然歷史上有猶太人同猶太教徒,現狀係佢超出咗國籍、語言、人種嘅範疇,成爲無法用一個尺度來定義嘅文化群體。

猶太人喺好多地方經歷畀人打壓同慘殺嘅好長歷史;佢哋嘅人口同居民分佈咁多個世紀以來不斷改變。喺第二次世界大戰之前,世界上嘅猶太人數量最多1670萬人,但後來嘅猶太滅種清洗中,有多達60萬人被有系統噉殘殺。之後,人口逐漸回升。而家多數猶太人聚居喺以色列,用希伯來文多,當中約有540萬人喺以色列(佔總體猶太人40.9%),有530萬人喺美國(佔總體猶太人40.2%),其他散居世界各地,估計全世界大概有1300萬到1400萬(2006年)。到2014年,據北美猶太人數據庫(North America Jewish Data Bank),世界上約有1420萬嘅猶太人,佔世界總人口近0.2%。

                                     

2. 名

根據聖經舊約嘅記述,先係先知亞伯拉罕生咗個仔以撒,以撒有個仔叫雅各,雅各同神鬥力扭親腳筋,於是雅各改名做以色列(Yisrael),意思同鬥力有關。以色列生咗十二個仔,後來成爲以色列十二支派,呢十二個仔中有個叫做Yehuda,大衛王、所羅門王都係Yehuda部族嘅。後來十二支派大多消失,慢慢融入Yehuda部族。由於Yehuda嘅希伯來發音中,第二音節嘅「h」出氣比較輕,講得快時會吞音,於是變成「Yeuda」,之後「Y」同「u」合音,慢慢噉部族名變成「Yuda」。「Yuda」就係猶大(Judah)嘅辭源。中文譯成嘅「猶太」就係從「Yuda」來嘅 。而古代亦有「尤太」、「藍帽回回」、「斡脫」、「術忽」嘅稱呼。

中文講嘅「猶太人」,希伯來文叫做「Yehudim」,係複數形式。單數形式要分陰陽,猶太男人稱爲「Yehudi」,猶太女人稱爲「Yehudit」,同樣有合音現象。表示男人嘅「Yudi」到希臘文變成「 Ἰουδαῖος / Ioudaios」,到拉丁文變成「Judaeus」,再到德文變成「Jude」。呢三種文,「J」嘅讀音等同「Y」,喺早期拉丁字母,J係I嘅變體。後來呢個名固定爲J開頭,字母發音亦變成塞擦音、擦音,好似英文、法文等。

                                     

3. 相關

  • 資本主義
  • 共產主義同馬克思
  • 阿爾伯特 愛因斯坦
  • 猶太人陰謀論
  • 羅伯特 奥本海默,原子彈之父
  • 愛麗森 布里(英文原名:Alison Brie)
  • 美生會
  • 錫安教會
  • 猶太人復國主義
  • 艾弗瑞 萊德爾(以色列有名搖滾歌星)