ⓘ 百科全書. 你知道吗? 页 187




                                               

實蠅科

實蠅科 (Tephritidae)係昆蟲綱雙翅目嘅一科。成蟲一般體型唔大,通常有黃、橙、褐、黑等色組成嘅斑紋,部分物種嘅前翅上有尐網狀斑紋。實蠅頭大,觸角短。幼蟲似蛆,食柑橘、蘋果、葡萄、番茄、辣椒等果實,食到粒果實跌落地,幼蟲就會落嚟變成蛹。係農業害蟲之一 ...

                                               

小蹄蝠

小蹄蝠 ( Hipposideros pomona )係一種較細隻嘅蹄蝠。主要分布響中國、印度、東南亞地區例如馬來西亞、泰國等地。食甲蟲,飛蛾等細昆蟲。捉到獵物後會帶返巢度食。

                                               

小靈貓

小靈貓 ( Viverricula indica ),又叫做 七間狸 ,係靈貓科嘅一種,分布亞洲亞熱帶地方,例如印度、馬來西亞、海南島、台灣、香港等等。由於佢會分泌靈貓香,而呢啲靈貓香可以製作成定香劑,所以又叫 麝香貓 。

                                               

巨型管蟲

巨型管蟲 ( giant tube worm ;學名: Riftia pachyptila )係一種環節動物。佢哋住喺太平洋離海面超過 1 公里深嘅地方。嗰啲地方不見天日,所以佢哋靠吸收海底火山噴出嚟嘅熱能嚟生存。

                                               

巨齒鯊

巨齒鯊 (拉丁學名: Carcharodon megalodon ,來自希臘文「 μέγας 」(巨大)同「 ὀδόντ- 」(牙齒))係一種已經絕徂種嘅鯊魚,生活年代大概係2800萬年前到150萬年前。 巨齒鯊係有記載以來最大嘅有脊椎動物之一,但係由於動物遺骸喺海水裡面極之難保存落來,因此 ...

                                               

巴拉圭凱門鱷

巴拉圭凱門鱷 (學名Caiman yacare,曾經用過學名Caiman crocodilus yacara)係一種屬於短吻鱷科嘅中型鱷魚。一直以嚟巴拉圭凱門鱷都俾人當係眼鏡凱門鱷嘅亞種,但係而家已被承認係一個獨立嘅品種。主要棲息喺中美洲同南美洲,身長2至3米,以食魚為生。

                                               

巴西龜

巴西龜 ( Trachemys scripta elegans ),正名 紅耳龜 ,係一種原產美國,水陸兩棲嘅龜。 因為佢哋頭頂後面兩邊有兩條紅色粗紋,所以又叫紅耳龜,係龜類入面嘅優良品種。

                                               

平頦海蛇

平頦海蛇 ( Lapemis curtus )係海蛇嘅一種。

                                               

弧邊招潮蟹

弧邊招潮蟹 ( Uca arcuata )一種鍾意住響沙坪,泥灘或紅樹林嘅蟹。

                                               

彩鷸

彩鷸 ( Rostratula benghalensis )係一種外形相當獨特嘅水鳥,分布非洲、東南亞、澳洲。喺香港,因為九廣鐵路曾經計劃喺落馬洲開新支線,呢種棲息喺塱原濕地嘅雀鳥先開始廣為人知。

                                               

忘不了魚

忘不了魚 ( Tor tambroides )係種原生東南亞嘅淡水魚,生物分類屬鯉科結魚屬,主要喺馬來西亞嘅河出沒。皆因食過呢條魚嘅人都話好味到唔會唔記得佢,所以叫佢做「忘不了」。

                                               

恐怖鳥

恐怖鳥 ,又名 駭鳥 , 恐鶴 (學名Phorusrhacidae),係一類大型嘅肉食性同唔識飛嘅雀鳥,喺6200萬-200萬年前嘅新生代,南美洲係非常普遍嘅獵食者。牠們約有1-3米高。現今最接近牠們嘅相信係叫鶴科。泰坦巨鳥( Titanis walleri )係恐怖鳥中一種較大嘅物種,亦係 ...

                                               

恐鳥

恐鳥 曾經係世界上最大隻嘅雀之一,同馬達加斯加嘅象鳥、非洲嘅鴕鳥一樣,都係屬於平胸鳥類(即係指自泛古陸開始遺留到而家嘅一類唔識飛嘅雀)。喺11種恐鳥中,就以巨型恐鳥(Dinornis robustus 同 Dinornis novaezelandiae)最大隻,身高甚至可達4米,重約 250 公 ...

                                               

恐龍

恐龍 係恐龍總目(學名: Dinosauria )嘅通稱,中生代嘅多樣化優勢脊椎動物,支配住全球陸地生態系超過1億4千萬年咁耐。恐龍最早出現喺2億3千萬年前嘅三疊紀。大部分恐龍喺約6千5百萬年前嘅白堊紀晚期滅亡,史稱白堊紀末滅絕事件,最後得返鳥形恐龍存活同埋繁衍到 ...

                                               

捕魚蛛

捕魚蛛 係盜蛛科嘅一種,又叫做 食魚蜘蛛 , 狡蛛 , 跑蛛 。其實佢哋唔單止捉魚,亦都會捉其他水生小動物嚟食。差唔多所有嘅捕魚蛛都係半水棲動物,目前只知有2個亞種唔係水陸兩棲: 住喺樹嘅 D. albineus :分布喺美國西南部; 草原品種 D. minor :分布紐西蘭。 ...

                                               

捻翅目

捻翅目 ( twisted-wing insects ;學名: Strepsiptera )係一個目嘅昆蟲,有大約 600 個物種,出名會寄生喺第啲昆蟲(包括蜜蜂同黃蜂等)身上,啲乸嘅多數會一世喺寄主體內生活,而啲公嘅會生翼、並且由寄主身上離開去搵乸交配。

                                               

擬刺尾鯛

擬刺尾鯛 ,又叫做 副刺尾魚 、 藍刀鯛 ,係分布係印度洋同太平洋嘅一種魚。

                                               

斑絡新婦

斑絡新婦 ,又叫 大木林蛛 ,學名 Nephila maculata (Fabricius),據講係香港最大型嘅原生蜘蛛。學名 Nephila 係源自古希臘文,意思係 "fond of spinning",另一解釋係美國蛛形目學會(American Arachnological Society)將兩個字( nen ) = to spin(related to ...

                                               

斑腿泛樹蛙

斑腿泛樹蛙 ( Polypedates megacephalus ),又叫 棕樹蛙 、 斑腿樹蛙 、 大頭樹蛙 同 大頭泛樹蛙 。模式標本嚟自香港。

                                               

斑頭鵂鶹

斑頭鵂鶹 ( Glaucidium cuculoides )係一種無角羽嘅貓頭鷹。個頭圓形,企嘅姿勢比其他小型貓頭鷹更接近水平方向。鍾意住響森林裏面,會用樹窿嚟築巢。叫聲有啲似裝滿水嘅樽倒轉嗰陣時嘅急促咯咯聲,早晨時份叫。主要捉昆蟲,老鼠,甚至其他較細隻嘅貓頭鷹嚟食。

                                               

斑鵰鴞

斑鵰鴞 ( Bubo africanus )係一種中型嘅貓頭鷹,亦係鵰鴞之中最細嘅一種。佢嘅高度大約有45厘米,體重大約1至1.8磅。對翼伸展時長1至1.4米。眼黃,羽毛一般以灰色為主。

                                               

日月魚

日月魚 (學名: Amusium pleuronectes ),係海扇蛤科日月蟶屬動物,雖然個名叫魚,但佢其實係貝類海鮮。日月魚有圓形殼,一邊紅色似太陽,另一邊白色似月光,所以就叫「日月魚」。廣東人將日月魚曬乾後,會用嚟煲湯。

                                               

日本松雀鷹

日本松雀鷹 ( Accipiter gularis )係種猛禽。早期嘅分類學家曾經將佢同松雀鷹當係同一種,直到近年觀鷹者多咗,先開始加以分辨,但的確好容易同松雀鷹混淆。種名 gularis 嚟自拉丁文 gula ,喉嚨咁解,學名全部意思係「有喉線嘅鷹」。 本松雀鷹有 23-30cm 咁長, ...

                                               

普通珠雞

普通珠雞 (學名: Numida meleagris ),又叫 盔珠雞 ,係雞形目珠雞科其中一個屬( 普通珠雞屬 或者 盔珠雞屬 ,學名: Numida )嘅唯一品種,原產撒哈拉沙漠南面嘅非洲地區,係最常見嘅珠雞品種。

                                               

普通翠鳥

普通翠鳥 ,學名 Alcedo atthis ,係最典型常見嘅一種翠鳥。

                                               

暴龍

暴龍 ( Tyrannosaurus rex ,拉丁文意思係「蜥蜴入面嘅暴君」),又叫做 霸王龍 ,係暴龍屬(Tyrannosaurus)唯一一個有效物種。佢係一種大型食肉恐龍,身長最長可達15米,身高約5米,體重平均有9公噸。暴龍嘅咬合力係已知動物入面最大嘅其中一個,咬合力將近6公噸 ...

                                               

曱甴

曱甴 (粵拼: gaat 6 zaat 6*2 ;學名: Blattodea ),書面語 蟑螂 ,係種唔完全變態、雜食嘅昆蟲,屬昆蟲綱嘅Blattaria目,學名源自拉丁嘅blatta。 近年有啲參考書,如商務新字典、朗文中文新詞典,將兩個字反寫做「甴曱」。但係明初古籍篇海類編早有記載:曱, ...

                                               

有翅亞綱

有翅亞綱 ( pterygota ;古希臘文:πτερυγωτός,pterugōtós,「有翼嘅」)係一個亞綱嘅昆蟲,包括有翼嘅昆蟲(例:蟬同蝴蝶),不過亦包括一啲曾經有翼、但後嚟進化到變成冇翼嘅昆蟲(例:蟻)。

                                               

束腰蟹科

束腰蟹科 ( Parathelphusidae )係短尾下目(螃蟹)澤蟹總科下面兩個科嘅其中一個科。 台灣嘅濕地有台灣束腰蟹( Somanniathelphusa taiwanensis ),而香港就有另一種( Somanniathelphusa zanklon )。

                                               

東方蜜蜂

東方蜜蜂 ( eastern honey bee ;學名: Apis cerana )係源自東亞同南亞嘅一個蜜蜂品種。自然分布範圍西至巴基斯坦、東至台灣同日本、東北至雙城子、西北至青海同甘肅、南至印度尼西亞同巴布亞新畿內亞,包括成個南亞、東南亞同東亞,近幾年更擴展到澳洲北部,日 ...

                                               

條尾光鰓魚

條尾光鰓魚 (學名: Chromis ternatensis )喺雀鯛科光鰓魚屬嘅魚類,俗名叫做三葉光鰓雀鯛。分佈喺太平洋西部至中部、北至日本琉球群島以及南海諸島、臺灣南部等,常棲息喺枝狀珊瑚叢上面。呢個物種嘅模式產地喺Ternate。

                                               

梭子蟹科

梭子蟹科 (學名 Portunidae ),係短尾次目梭子蟹總科嘅其中一科。佢包括咗唔少常見海洋蟹類,例如:青蟹、蟳等。

                                               

棕尾斑咀犀鳥

棕尾斑咀犀鳥 係一種身形較細隻,以食果實為主嘅犀鳥,主要分佈喺菲律賓同印尼島嶼。之所以叫 棕尾斑咀 ,係因為佢個咀邊有幾條紋,同條尾羽中間有一節係褐白色嘅。公乸有明顯嘅性徵(公係深色啲)。香港九龍公園嘅百鳥苑亦有飼養,嗰種犀於Visayan Tarictic Hornbill

                                               

樺尺蠖

樺尺蠖 ( peppered moth ;學名: Biston betularia )係一種飛蛾,本來係白色帶黑斑點嘅,不過喺 18 世紀工業革命嘅英格蘭,工廠排出大量黑色嘅廢氣,引致樺尺蠖族群嘅色水有所改變-生態學家發現喺工業革命嗰兩個世紀期間,英格蘭樺尺蠖嘅色水變到黑鼆鼆噉色。

                                               

歐洲粟米蟲

歐洲粟米蟲 ( European corn borer ;學名: Ostrinia nubilalis )係一種飛蛾同埋一種嚴重嘅害蟲,對農作物嘅破壞力極之強,尤其鍾意食粟米,搞到啲農夫要揼好多錢嚟對付佢哋,年年都令到美國嘅農業有成過億美元嘅損失。

                                               

歐金斑鴴

歐金斑鴴 ( Pluvialis apricaria )係鴴科斑鴴屬嘅一種雀,主要分佈喺歐洲地區。 呢種雀係歐洲其中一種打獵嘅獵物,健力士世界紀錄大全創辦人就係因為打獵嗰陣同同伴爭拗呢種雀係咪全歐洲飛得最快嘅雀,而有搞世界紀錄大全嘅諗頭。

                                               

氂牛

氂牛 (粵拼: mou 4 ngau 4 ,學名: Bos grunniens ),又寫做 犛牛 、 牦牛 ,係牛科牛屬動物,主要分佈喺青康藏高原一帶,特徵係有比較厚嘅毛。佢哋嘅先祖係野氂牛。呢種牛產嘅奶,係當地嘅酥油茶所用原料之一。

                                               

水巨蜥

水巨蜥 ,俗稱 五爪金龍 , 巨蜥 , 圓鼻巨蜥 等,係蜥蜴中體型最大的其中一種,身長一般超過 1 米,有啲甚至可長達 4 米。個身灰色或啡色,身上佈滿唔係太完整嘅圓圈印斑,排成橫間。幼年時圖案好清晰,但長大後就逐漸變暗,甚至完全消失。尾部黃黑相間,長大後亦 ...

                                               

水魚

水魚 ,書面寫做 鱉 ,係一種水裏面嘅爬蟲類動物。佢同龜夾埋做龜鱉目,水魚同龜好似樣,不過佢嘅殼係軟嘅,似皮革多啲。水魚自成一科,叫鱉科( Trionychidae )。呢個科有三個種,分別係 Cyclanorbinae 、 Trionychinae 同埋絕種嘅 Palaeotrionyx ,大概有廿五個 ...

                                               

油魚

油魚 係好似棘鱗蛇鯖同異鱗蛇鯖呢啲含有大量叫「蠟酯」嘅油脂嘅帶鰆科魚,響世界各熱帶同溫帶海洋都搵到。油魚有好多唔同稱呼,譬如「 圓雪(鱈) 」、「 仿雪(鱈)魚 」、「 白玉豚 」、「 牛油魚 」,而香港政府就建議統一叫「 蠟油魚 」。 油魚嘅蠟酯雖然冇毒, ...

                                               

沼澤鱷

沼澤鱷 又叫 澤鱷 ,係中型鱷魚,可長達 4 米。有兩個亞種:指名亞種同錫蘭亞種。

                                               

沼蛙

沼蛙 ( Rana guentheri ),又叫 青腰拐 ,係一種常見嘅青蛙。主要喺夜晚出沒。叫聲好似狗吠聲,非常易認。佢哋最鍾意食曱甴,蟋蟀同蚯蚓。 如果同其他青蛙困埋一齊養,沼蛙會分泌一啲毒液出嚟毒死其他青蛙。

                                               

波斯貓

波斯貓 (Persian cat,波斯文: گربهٔ ایرانی )係一隻長毛品種嘅家貓之一,譬如金吉拉(Chinchilla cat)。

                                               

海龜

海龜 係住響海裏面嘅龜。佢哋響地球上已經生存咗超過一億年,一啲早期化石記錄更可追溯至 二億三千萬年前。

                                               

滑鼠蛇

滑鼠蛇 又叫 水律 , 南蛇 ( Ptyas mucosus )係一種冇毒嘅蛇,但係脾氣都幾暴躁。

                                               

澤蛙

澤蛙 ( Fejervarya limnocharis ),又叫 澤陸蛙 ,係一種原產東南亞嘅兩棲動物。背脊有一條好明顯,綠或褐色嘅條紋,係辨認佢嘅主要特徵。

                                               

灰頭麥雞

灰頭麥雞 ( Vanellus cinereus )係一種好容易辨認到嘅雀。頭灰色,肚白色,咀黃色但咀尖反而係黑色,有一條黑色嘅胸帶。飛嗰陣翼面有明顯嘅黑白同褐色配搭。鍾意濕嘅草地,但亦可以喺任何地方出現。喺亞洲東北部(包括中國同日本)繁殖,冬天會飛到亞洲東南部以至 ...

                                               

爬蟲類

爬蟲類 (正寫 爬行類 )係脊索動物之中嘅 爬蟲綱 (又叫 蜥形綱 )嘅所有物種嘅通稱,係世界上最古老嘅陸上脊椎動物。原始嘅品種大約喺3億4000萬年前就開始出現,比起人嘅200萬年早好多。佢哋同魚一樣,都係冷血動物。有啲品種食肉,有啲品種食菜。大多數卵生或卵 ...

                                               

狼蛛科

狼蛛科 (學名 Lycosidae ),係蜘蛛嘅一種。 因為成日喺後面追住啲獵物,成隻狼咁,所以先叫做 狼蛛 ,另外亦叫做 豹蛛 。跑得好快但係唔可以喺玻璃等光滑嘅豎立面度爬。爬行能力同視力都僅次於跳蛛科即係跳蛛。依種蜘蛛生咗蛋之後,會將卵裝喺絲囊紡器入面,啲蛋 ...

                                               

玳瑁

玳瑁 (Hawksbill Turtle)係一種接近絕種嘅海龜。呢隻物種係全球都有,喺大西洋同太平洋種群分為兩個亞種。