ⓘ 百科全書. 你知道吗? 页 11




                                               

亭長

亭長 係中國古代官名。戰國時開始喺鄰接第二國嘅地方設「亭」,置「亭長」,負責防禦。劉邦都做過亭長。東漢後慢慢廢咗。

                                               

仁宣之治

仁宣之治 ,係大明第四、五位皇帝明仁宗朱高熾同明宣宗朱瞻基統治期間(1424年到1435年)嘅興盛時期,嗰時國泰民安,百姓安居樂業,係朱棣統治時期永樂盛世嘅延續。

                                               

仇池

仇池 ,係五胡十六國時期由氐族立嘅其中一國。仇池喺296年由楊茂搜第一次立國,371年由楊纂亡國,畀前秦滅。仇池喺385年由楊定再次立國,443年由楊保熾亡國,畀北魏滅。

                                               

代 (十六國)

代 ,係五胡十六國時期由鮮卑立嘅其中一國,315年由拓跋猗盧立國,376年由拓跋什翼犍亡國,畀前秦滅。

                                               

以色列王國 (北國)

以色列王國 ,又叫 北國以色列 、 以色列王國後期 ,係以色列史上其中一個政權,前931年由以色列聯合王國分裂出嚟,領土係原王國嘅北部,首都撒瑪利亞,到前722年畀新亞述帝國滅咗。

                                               

以色列聯合王國

以色列聯合王國 ,又叫 以色列王國前期 ,係以色列史上其中一個政權,前1050年由掃羅王立國,首都耶路撒冷,到前931年所羅門王死後分裂成兩國:北面仍然叫做以色列王國,南面叫猶大王國。

                                               

伊兒汗國

伊兒汗國 係大蒙古國四大汗國嘅其中一個,1256年由成吉思汗個孫旭烈兀立國,到1335年分裂瓦解。

                                               

伊拉克戰爭

伊拉克戰爭 係2003年3月20號到2011年12月18號期間美國軍隊同英國軍隊打伊拉克嘅仗。

                                               

伊楚斯肯文明

伊楚斯肯文明 ( Etruscan civilization ),係舊時伊楚斯肯地區(而家嘅意大利半島同科西嘉島)喺公元前12世紀至前1世紀發展出嚟嘅文明,呢個文明嘅發展範圍圍繞住意大利半島嘅中北部。

                                               

伯羅邦尼斯之戰

伯羅邦尼斯之戰 (Peloponnesian War)係以雅典為首嘅提洛同盟同以斯巴達為首嘅伯羅邦尼斯聯盟之間嘅一場戰爭。呢場戰爭由前431年一直持續到前404年,期間兩邊停戰過幾次,最後斯巴達贏咗。

                                               

伯里克里斯

伯里克里斯 (前495年 - 前429年)係古希臘政治人,佢領導嘅古雅典畀人話係「黃金時代」,亦喺伯羅奔尼撒戰爭開始嗰陣打贏仗。 伯里克里斯有位情人叫阿斯帕齊婭,喺嗰陣都好出名。

                                               

佐治時代

佐治時代 係英國歷史上嘅一個時期,包括佐治一世、佐治二世、佐治三世同佐治四世四個王帝在位年間,亦即係1714年至1830年。佐治時代發展出別具一格嘅建築同藝術風格,好多嗰陣起嘅樓而家仲喺度。

                                               

俄國內戰

俄國內戰 係俄羅斯帝國經歷俄國革命之後,唔同派系之間打嘅一場內戰,喺1917年11月7號爆發,1922年10月25號打完。內戰結果係紅軍勝出,俄羅斯帝國由蘇聯取代。 呢場戰爭主要由蘇俄紅軍同白軍嘅對抗展開,仲有各種地方小勢力嘅周旋。

                                               

俄國革命

俄國革命 (粵拼: ngo 4 gwok 3 gaak 3 ming 6 ),又叫 俄國大革命 ( ngo 4 gwok 3 daai 6 gaak 3 ming 6 ),通常係指俄國人民響1917年搞嘅一連串革命運動,最後推翻俄羅斯帝國而建立蘇聯。 呢次革命嘅背景係俄羅斯帝國‎參加第一次世界大戰,俄軍節節敗退,死傷 ...

                                               

俄波戰爭 (1654–67)

1654年到1667年嘅 俄波戰爭 ,又叫 十三年戰爭 ,係指1654年到1667年期間十三年嚟歐洲俄羅斯沙皇國同波蘭立陶宛聯邦之間嘅戰爭,最後由俄羅斯沙皇國打贏。

                                               

俄羅斯帝國

俄羅斯帝國 係俄羅斯自1721年彼得大帝稱帝到1917年尼古拉二世退位期間用嘅國號。 俄羅斯帝國被俗稱 沙皇俄國 ( 沙俄 ),源自佢前身俄羅斯沙皇國。

                                               

俄羅斯沙皇國

俄羅斯沙皇國 ,又叫 沙皇俄國 ( 沙俄 ),係俄羅斯自1547年伊雲四世加冕做沙皇到1721年彼得大帝稱帝期間用嘅國號。 彼得大帝稱帝後,改國號做俄羅斯帝國,但坊間唔少人仍叫佢做「沙俄」。

                                               

俾斯麥海海戰

俾斯麥海海戰 ( Battle of Bismarck Sea )係二戰當中嘅一場戰事,發生喺 1943 年 3 月,涉及盟軍喺俾斯麥海(Bismarck Sea;位於巴布亞新畿內亞以北嘅一個海)嗰度對大日本帝國海軍嘅運輸船隊進行轟炸,最後殲滅咗日軍船隊。

                                               

倭寇

倭寇 係大明時期以日本人為主嘅海賊,影響中國同朝鮮半島沿岸地區。

                                               

偷襲珍珠港

偷襲珍珠港 ,又叫 珍珠港事件 或者 珍珠港事變 ,係1941年12月7號(美國時間)清晨,日本聯合艦隊嘅飛機同迷你潛艇,突然襲擊美國太平洋艦隊基地珍珠港,同埋夏威夷歐胡島上嘅美軍飛機場嘅事件。 呢件事係第二次世界大戰嘅太平洋戰爭嘅開始。

                                               

元符

元符 係北宋皇帝趙煦嘅第三個年號,相當於公元1098年到1100年,前後總共3年。

                                               

克拉瑪依大火

克拉瑪依大火 係1994年12月8號喺中國新疆克拉瑪依市友誼館發生嘅一場大火。大火導致325人遇難,其中288人係中小學生。 事後當局無舉行過任何紀念活動,而根據生還者嘅回憶,大火發生嘅時候有人嗌過「讓領導先走」(「畀領導走先」),成為醜聞。

                                               

克里米亞危機

克里米亞危機 係2014年初開始烏克蘭同俄羅斯就克里米亞半島歸屬問題爆發嘅國際危機。克里米亞親俄武裝分子因為唔滿意烏克蘭政府親歐盟,所以喺俄羅斯暗啞底幫手之後,趕走晒當地烏克蘭官員,搞咗個所謂公投後宣告成立克里米亞共和國,然後加盟做俄羅斯一部分。呢件 ...

                                               

克里米亞戰爭

克里米亞戰爭 (英文: Crimean War 、法文: Guerre de Crimée 、俄文: Крымская война 、土耳其話:Kırım Savaşı)係1853年10月4號到1856年3月31號俄羅斯為咗爭奪近東嘅霸權同埋英國、法國、鄂圖曼帝國打嘅仗。 戰爭期間,唔單衹出現咗第一批鐵甲艦,而且參加克 ...

                                               

全新世

全新世 係第四紀入面最後一個世,響1.17萬年一直去到而家,即係響更新世之後。

                                               

兩伊戰爭

兩伊戰爭 係伊拉克同伊朗兩國,打咗八年嘅仗,係二戰之後波斯灣地區最大規模嘅戰爭。場仗影響得中東好深。 1980年9月22號伊拉克兵分三路入侵伊朗,開始咗呢場八年嘅仗。引發呢場仗主要有四個方面導致,第一係兩伊由1970年代開始已經因為中間條亞拉伯河同霍爾木茲海 ...

                                               

兩廣共和國

兩廣共和國 講嘅係自從1900年由時任港督卜力同埋革命黨人孫中山等等嘅人提出策動時任兩廣總督李鴻章「割據兩廣,叛清獨立,自任總統」後進,而成立嘅一個共和政體設想。

                                               

兩河流域文明

兩河流域文明 (粵拼: loeng 5 ho 4 lau 4 wik 6 man 4 ming 4 ,亞拉姆文: ܒܝܬ ܢܗܪܝܢ 、希臘文: Μεσοποταμία 、阿拉伯文: بلاد الرافدين ‎、英文: Mesopotamia ),簡稱 兩河文明 ,又叫 美索不達米亞文明 (粵拼: mei 5 sok 3 bat 1 daat 6 mai 5 aa 3 man ...

                                               

八月政變

八月政變 ,又叫 八一九事件 ( Августовский путч ),係指1991年8月19號至8月21號,蘇聯政府一啲高級官員試圖廢咗蘇聯共產黨中央委員會總書記兼蘇聯總統戈爾巴喬夫,重想得對蘇聯嘅控制權,最後係唔掂嘅一場政變。政變嘅人包括蘇聯副總統、總理、國防部長、內政部 ...

                                               

六日戰爭

六日戰爭 ( Six-Day War ),又叫 第三次中東戰爭 ,係1967年6月5號到6月10號中東一場戰爭,以色列向埃及、敘利亞同約旦進攻,用6日時間就打贏仗,成功攞到加沙地帶、西奈半島、約旦河西岸地區同戈蘭高地。

                                               

六月暴動

六月暴動 (法文: Insurrection de juin ),又叫 1832年巴黎共和派暴動 (法文: Insurrection républicaine à Paris en juin 1832 ),係1832年6月5號到6月6號法國巴黎一班擁護共和制嘅民眾引發嘅暴動,最後畀政府成功鎮壓住。 法國作家雨果喺佢嘅作品孤星淚入邊 ...

                                               

共和示威

共和示威 ( Republic Protests ,土耳其話: Cumhuriyet Mitingleri )係一場和平示威行動,發生喺2007年土耳其首都安卡拉,近百萬人上街示威,目的係要求新總統遵循世俗化國家道路。

                                               

兵馬俑

兵馬俑 (粵拼: bing 1 maa 5 jung 2 )係秦始皇陵嘅一部分,響陝西西安臨潼東面5公里嘅下河村,西元前208年起好。而家經已係世界文化遺產。 兵馬俑

                                               

冉魏

冉魏 ,係五胡十六國時期由漢族立嘅其中一國,350年由冉閔立國,352年由冉智亡國,畀前燕滅。

                                               

冊封

冊封 係指中國皇帝同附近各國君主結成名義上君臣關係,響舊時中華文化圈入面嘅一種外交體制。 被中國冊封嘅國叫冊封國,需要向中國朝貢,又要用中國年號、曆法(正朔)。中國可以命令冊封國出兵,而冊封國俾人打時都可以向中國請求增援。

                                               

切爾諾貝爾核災

切爾諾貝爾核電廠核災 ,喺台灣叫 車諾比核電廠核災 ,喺大陸叫 切爾諾貝利核事故 ,係1986年4月26號附近喺蘇聯嘅切爾諾貝爾核電廠(家下烏克蘭境內)引發嘅核災。呢次事故被認為係史上最嚴重嘅核災,亦都係國際核事件分級表入面第一個評為第七級(最嚴重)嘅核災。 ...

                                               

列寧格勒圍城戰

列寧格勒圍城戰 係第二次世界大戰歐洲戰場一場重要戰役,納粹德國為首嘅軸心國軍隊打算攻佔蘇聯列寧格勒,喺1941年9月8號開始進攻,但只係做到圍城,一路都攻唔入,僵持咗兩年幾,最後畀蘇聯軍隊成功突圍,1944年1月27號收復返。

                                               

刺馬案

刺馬案 即係喺大清同治9年(1870年)兩江總督馬新眙俾張文祥刺殺嗰單案。由於馬新眙係在任總督,而且係大庭廣眾俾人刺殺,所以震驚朝野。奇就奇在張文祥當眾殺官,而且企定定畀人拉,重大大聲話自己就係凶手,單案竟然審咗成年都無結案,結果搞到全國民間傳聞四起, ...

                                               

剃髮易服

剃髮易服 係大清入主中原之後強制推行嘅一項政策,逼漢族同其他民族嘅國民跟滿族一樣髡髮留辮同埋著滿服,唔聽話就要殺。呢個政策違反中華文化一路以嚟「身體髮膚,受之父母,不敢毀傷,孝之始也」嘅傳統,所以引起好大反抗,但都畀大清朝廷鎮壓住。

                                               

前哥倫布時期

前哥倫布時期 ( Pre-Columbian era )係指美洲未畀哥倫布發現(1492年)之前嘅時期,亦即係美洲未畀歐洲文化影響嘅時期,嗰時美洲土著有佢哋自己嘅文化風俗,甚至發展出文明,譬如瑪雅文明、阿茲特克文明。

                                               

前涼

前涼 ,係五胡十六國時期由漢族立嘅其中一國,314年由張寔立國,376年由張天錫亡國,畀前秦滅。

                                               

前燕

前燕 ,係五胡十六國時期由鮮卑立嘅其中一國,337年由慕容皝立國,370年由慕容暐亡國,畀前秦滅。

                                               

前秦

前秦 ,係五胡十六國時期由氐族立嘅其中一國,351年由苻健立國。370年代曾經統一中國北方,383年喺淝水之戰輸畀東晉之後,前秦陷入分裂。394年由苻崇亡國,畀後秦、西秦滅。

                                               

前蜀

前蜀 (粵拼: cin 4 suk 6 ),係五代十國其中一國,903年由王建立國,925年由王衍亡國。

                                               

前趙

前趙 ,又叫 漢趙 ,係五胡十六國時期由匈奴立嘅其中一國,304年由劉淵立國,329年由劉曜亡國,畀後趙滅。

                                               

劉啟

劉啟 (前188年 - 前141年3月9號)係漢朝第六位皇帝,喺前157年到前141年在位,一共在位16年,享年48歲,謚號 孝景皇帝 ,無廟號,史稱 漢景帝 。 佢同爸爸劉恆嘅管治時代,被後世稱為「文景之治」。

                                               

劉奭

劉奭 (前75年 - 前33年5月),係西漢第十一位皇帝,前49年到前33年在位,跟諡號叫 漢元帝 。

                                               

劉宋

劉宋 ,係南北朝南方其中一朝,420年由劉裕立國,479年由劉準亡國,畀南齊取代。

                                               

劉弗陵

劉弗陵 (前94年 - 前74年6月5號),係西漢第八位皇帝,前87年到前74年在位,跟諡號叫 漢昭帝 。

                                               

劉恆

劉恆 (前203年 - 前157年7月6號),係西漢第五位皇帝,前180年到前157年在位,跟諡號叫 漢文帝 。